ಇದ್ದರೋಂತರ ಇಲ್ಲದಿರೆ ಇನ್ನೊಂತರ
ಇದ್ದರೂ ಇಲ್ಲದಿರುವಂತಿರುವುದಿನ್ನೋಂತರ
ಇಲ್ಲದೆಯೂ ಇರುವಂತೆ ತೋರಿಕೆಯೊಂತರ
ಇದ್ದರೂ ಇಲ್ಲದಿರುವುದರ ಚಿಂತೆಯೋಂತರ
ಇಲ್ಲದಿರೆ ಇರುವ ನಿರಾಳತೆಯೊಂತರ
ಇರುವುದರೆಡೆ ಅತೃಪ್ತಿಯೊಂತರ
ಇಲ್ಲದಿರುವುದರೆಡೆ ಆಸಕ್ತಿಯೊಂತರ
ಇರುವುದರೆಡೆ ಸಂತೃಪ್ತಿಯೊಂತರ
ತರ ತರದ ಬದುಕು ಇದು
ಇಂದೋಂತರ ನಾಳೆಯಿನ್ನೋಂತರ
ಇರುವುದು ಇಲ್ಲದಿರುವುದರ ನಡುವೆ
ಜೋಕಾಲಿಯ ತರ.
ಇಲ್ಲದಿರುವುದರ ಕಡೆ
ಜೀಕುತಲೇ ಇರುವ ಮನ
ಒಮ್ಮೆ ಈ ತರ ಇನ್ನೊಮ್ಮೆ ಆ ತರ
ಆಸೆ ನಿರಾಸೆಗಳು ನಿತ್ಯ ನಿರಂತರ